திருவண்ணாமலையில் நாளை மகாதீபம்

திருவண்ணாமலையில் நாளை மகாதீபம்
திருவண்ணாமலை அண்ணாமலையார் கோயிலில் கார்த்திகை தீபத்திருவிழா கடந்த 18ம்தேதி கொடியேற்றத்துடன் தொடங்கியது.

விழாவின் முக்கிய நிகழ்ச்சியான மகா தீபத்திருவிழா நாளை நடைபெறுகிறது. அதிகாலை 4 மணியளவில் அண்ணாமலையார் கோயிலில் 2ம் பிரகாரத்தில் பரணி தீபம் ஏற்றப்படுகிறது. அதனை தொடர்ந்து, மாலை 6 மணியளவில் 2668 அடி உயர மலை உச்சியில் மகா தீபம் ஏற்றப்பட உள்ளது. மகா தீபத்துக்கான 3.5 டன் நெய் மற்றும் ஆயிரம் மீட்டர் திரி (காடா துணி) ஆகியவை தயார் நிலையில் உள்ளது. இது நாளை காலை மலை உச்சிக்கு கொண்டு செல்லப்படும். முன்னதாக இன்று அதிகாலை மகா தீப கொப்பரைக்கு அண்ணாமலையார் கோயிலில் சிறப்பு பூஜைகள் நடந்தது. அதன்பின்னர் தீபம் ஏற்றும் முறைதாரர்களான பர்வதராஜ குல மரபினர் தலைச்சுமையாக மலை உச்சிக்கு கொண்டு சென்றனர். அங்கு நாளை அதிகாலை மகா தீப கொப்பரை நிலை நிறுத்தப்படும்.

மகா தீபத்தையொட்டி ஏராளமான பக்தர்கள் திருவண்ணாமலையில் குவிந்து வருகின்றனர். கூட்ட நெரிசலை தடுக்க இரும்பு கம்பி வேலிகளை போலீசார் அமைத்துள்ளனர். ஏடிஜிபி (சட்டம்&ஒழுங்கு) ராஜேந்திரன் மேற்பார்வையில் வடக்கு மண்டல ஐஜி கண்ணப்பன் தலைமையில் 6 டிஐஜிக்கள், 14 எஸ்பிக்கள் உள்பட 12 ஆயிரம் போலீசார் பாதுகாப்பு பணியில் ஈடுபட்டுள்ளனர்.

மேலும் 244 கமாண்டோ வீரர்கள் இன்று தி.மலைக்கு வந்துள்ளனர். இந்த ஆண்டு முதல்முறையாக ஆளில்லாத சிறிய ரக விமானம் மூலம் கண்காணிப்பு பணியும் மேற்கொள்ளப்படுகிறது.

https://goo.gl/s9X6XJ






28 Oct 2014

இன்று திருச்செந்தூர் முருகன் கோயிலில் சூரசம்ஹாரம் விழா குவியும் பக்தர்கள்

21 Sep 2014

மகாளய அமாவாசை -பாவ வினைகள் போக்கும் புண்ணிய வழிபாடு

21 Jul 2014

அற்புத பலன் தரும் ஆடி அமாவாசை

24 Sep 2013

மகிமை நிறைந்த மகாளய அமாவாசை

08 Jun 2013

திருமலையில் மூன்று நாட்களில் 2.5 லட்சம் பக்தர்கள் குவிந்தனர்

23 Apr 2013

மதுரையில் மீனாட்சி திருக்கல்யாணம் கோலாகலம்

17 Apr 2013

ஆன்மீக செய்திகள்

11 Apr 2013

சந்திர கிரகணத்தை முன்னிட்டு ஏழுமலையான் கோயில் நடை 10 மணி நேரம் அடைக்கப்படும்

07 Apr 2013

அகஸ்தீஸ்வரர் கோவிலில் லிங்கம் மீது சூரியஒளி விழும் அதிசயம்

25 Mar 2013

திருவண்ணாமலையில் கிரிவலம் செல்ல உகந்த நேரம் எப்போது? கோவில் நிர்வாகம் அறிவிப்பு