tamilkurinji logo


 

சென்னையில் திருப்பதி குடை ஊர்வலம்: ஆயிரக்கணக்கான பக்தர்கள் பங்கேற்பு,




சென்னையில் திருப்பதி குடை ஊர்வலம்: ஆயிரக்கணக்கான பக்தர்கள் பங்கேற்பு

First Published : Monday , 17th September 2012 06:49:25 PM
Last Updated : Monday , 17th September 2012 06:49:25 PM


சென்னையில் திருப்பதி குடை ஊர்வலம்: ஆயிரக்கணக்கான பக்தர்கள் பங்கேற்பு,

சென்னை சென்ன கேசவ பெருமாள் கோயிலில் இருந்து திங்கள்கிழமை காலை புறப்பட்ட திருப்பதி குடை ஊர்வலத்தில் ஆயிரக்கணக்கான பக்தர்கள் பங்கேற்றனர்.  
திருப்பதி ஸ்ரீவெங்கடேசப் பெருமாள் கோயிலில் பிரம்மோற்ஸவ விழா நடைபெறும் சமயத்தில் தமிழக பக்தர்கள் சார்பில் ஆண்டுதோறும் குடைகள் ஊர்வலமாக எடுத்துச் சென்று அளிக்கப்படுகின்றன.  

இந்த ஆண்டு ஹிந்து தர்மார்த்த சமிதி சார்பில்  திங்கள்கிழமை காலை 10 மணியளவில் சென்னை பூக்கடையில் உள்ள சென்ன கேசவ பெருமாள் கோயிலில் இருந்து விசேஷ பூஜைகளுடன் திருப்பதி திருக்குடை ஊர்வலம் புறப்பட்டது.

திருக்குடை ஊர்வலத்தை உடுப்பி பெஜாவர் மடாதிபதி ஸ்ரீ விஸ்வேச தீர்த்த சுவாமிகள் தொடங்கி வைத்தார். விஸ்வ ஹிந்து பரிஷத் மாநிலத் தலைவர் ஆளவந்தார், தமிழ்நாடு அரசுப் பணியாளர் தேர்வாணையத் தலைவர் ஆர்.நடராஜ் ஆகியோர் தலைமை வகித்தனர். ஹிந்து தர்மார்த்த சமிதி அறங்காவலர் ஆர்.ஆர். கோபால்ஜி, விஸ்வ ஹிந்து பரிஷத் மாநில செயல் தலைவர் நாராயணசாமி, ஹிந்து தர்மார்த்த சமிதி நிர்வாக அறங்காவலர் எஸ்.வேதாந்தம் ஆகியோர் பங்கேற்றனர்.

திருப்பதி குடைகள் ஊர்வலம் என்எஸ்சி போஸ் ரோடு, கோவிந்தப்ப நாயக்கன் தெரு வழியாக பைராகி மடம் சென்றது. தொடர்ந்து மாலை 4 மணிக்கு பைராகி மடத்தில் இருந்து புறப்பட்டு வால்டாக்ஸ் சாலை, சூளை நெடுஞ்சாலை, பெரம்பூர் பேரக்ஸ் ரோடு, கொன்னூர் நெடுஞ்சாலை, தாக்கர் சத்திரம் வழியாக காசி விஸ்வநாதர் ஆலயம் சென்றடைந்தது.

செவ்வாய்க்கிழமை காலை காசி விஸ்வநாதர் ஆலயத்தில் இருந்து புறப்பட்டு ஐசிஎப், அகரம், திருவிக நகர், பெரம்பூர் வழியாக வில்லிவாக்கத்தில் உள்ள செளமிய தாமோதர பெருமாள் கோயிலை சென்றடைகின்றன.

புதன்கிழமை காலை பாடி, அம்பத்தூர் எஸ்டேட், அம்பத்தூர் வழியாக இரவு ஆவடி காமராஜர் நகர் வெங்கடேசப் பெருமாள் கோயிலை சென்றடைகின்றன.

வியாழக்கிழமை காலை பட்டாபிராம், திருநின்றவூர், வேப்பம்பட்டு வழியாக இரவு 7 மணிக்கு திருவள்ளூரை சென்றடைகின்றன.

வெள்ளிக்கிழமை திருவள்ளூரில் இருந்து திருப்பாச்சூர், குப்பம்மாள் சத்திரம் வழியாக காலை 10 மணியளவில் திருப்பதி திருமலை சென்றடைகின்றன.

சென்னையில் இருந்து புறப்பட்ட திருப்பதி குடை ஊர்வலத்தில் ஆயிரக்கணக்கான பக்தர்கள் பங்கேற்றனர். வழிநெடுகிலும் லட்சக்கணக்கான பக்தர்கள் சிறப்பான வரவேற்பு அளித்தனர். திருப்பதி குடை ஊர்வலத்துக்கு பலத்த போலீஸ் பாதுகாப்பு போடப்பட்டிருந்தது.

சென்னையில் திருப்பதி குடை ஊர்வலம்: ஆயிரக்கணக்கான பக்தர்கள் பங்கேற்பு, சென்னையில் திருப்பதி குடை ஊர்வலம்: ஆயிரக்கணக்கான பக்தர்கள் பங்கேற்பு, சென்னையில் திருப்பதி குடை ஊர்வலம்: ஆயிரக்கணக்கான பக்தர்கள் பங்கேற்பு,
Potato Capsicum Green Peas Curry சென்னை காரக்குழம்பு Kathirikai varuval
 இன்று திருச்செந்தூர் முருகன் கோயிலில் சூரசம்ஹாரம் விழா குவியும் பக்தர்கள்
திருச்செந்தூர் சுப்பிரமணிய சுவாமி கோயிலில் கந்த சஷ்டி விழாவின் முக்கிய நிகழ்வான சூரசம்ஹாரம் இன்று மாலை நடைபெறுகிறது. இதனை முன்னிட்டு திருச்செந்தூரில் பக்தர்கள் குவிந்த வண்ணம் உள்ளனர்.திருச்செந்தூர் முருகன் கோயிலின் தலபுராணப்படி, சூரபத்மனை முருகப் பெருமான் வதம் செய்த இடம் என்பதால்

மேலும்...

 திருமலையில் மூன்று நாட்களில் 2.5 லட்சம் பக்தர்கள் குவிந்தனர்
திருப்பதியில் ஏழுமலை யானை தரிசிக்க கடந்த சில நாட்களாக பக்தர்கள் கூட்டம் கட்டுக்கடங்காமல் உள்ளது. நேற்று தர்ம தரிசனம் செய்யும் பக்தர்கள் தரிசனத்துக்கு நீண்ட வரிசையில் பல மணி நேரம் காத்து நின்றனர். 64 கம்பார்ட்மெண்டுகளும் நிரம்பி வழிந்த நிலையில் ஏராளமான

மேலும்...

 மதுரையில் மீனாட்சி திருக்கல்யாணம் கோலாகலம்
மதுரை சித்திரை திருவிழாவில் வேதமந்திரங்கள் முழங்க மீனாட்சி அம்மன் திருக்கல்யாணம் நேற்று கோலாகலமாக நடந்தது. இன்று காலை நான்கு மாசிவீதிகளில் தோரோட்டம் நடைபெறுகிறது.மதுரை மீனாட்சி அம்மன் கோயிலில் சித்திரைத் திருவிழா ஏப்.14ம் தேதி கொடியேற்றத்துடன் துவங்கியது. நேற்று  முக்கிய நிகழ்ச்சியான திருக்கல்யாணத்திற்காக

மேலும்...

 சந்திர கிரகணத்தை முன்னிட்டு ஏழுமலையான் கோயில் நடை 10 மணி நேரம் அடைக்கப்படும்
சந்திர கிரகணத்தை முன்னிட்டு வரும் 25ம் தேதி 10 மணி நேரம் ஏழுமலையான் கோயில் நடை  மூடப்படும் என தேவஸ்தானம் அறிவித்துள்ளது.திருப்பதி திருமலை தேவஸ்தானம் மற்றும் ஏராளமான கோயில்களில் சந்திர கிரகணம் மற்றும் சூரிய கிரகணம் நடக்கும்போது கோயில் நடை சாத்தப்படுவது

மேலும்...

 
பிற செய்திகள்

மேலும்...

Comments
Reply Message

Post Your Comments
Name*
Email ID *
* தமிழ் எழுத்துக்கள் இந்தப்பெட்டியில் தோன்றும் (உம்) அம்மா

Match any where Exact Match


















மகளிர்

























Home News Cinema Gallery Privacy Policy Contact us Free Ads
சற்று முன் தமிழகம் இந்தியா உலகம் வர்த்தகம் விளையாட்டு சினிமா
Copyright © 2010 Indianinfotech.in