tamilkurinji logo


 

குலசேகரன்பட்டினத்தில் தசரா திருவிழா,Kulasekarapattinam dasara

Kulasekarapattinam,dasara




குலசேகரன்பட்டினத்தில் தசரா திருவிழா

First Published : Wednesday , 24th October 2012 10:19:33 PM
Last Updated : Wednesday , 24th October 2012 10:19:33 PM


குலசேகரன்பட்டினத்தில் தசரா திருவிழா,Kulasekarapattinam dasara

குலசேகரன்பட்டினத்தில் தசரா திருவிழா நேற்று கோலாகலமாக நடந்தது. கடற்கரையில் நடைபெற்ற சூரசம்ஹாரத்தில் லட்சக்கணக்கான பக்தர்கள் கலந்து கொண்டு சாமி தரிசனம் செய்தனர்.

இந்தியாவில் கர்நாடக மாநிலம் மைசூருக்கு அடுத்தபடி தூத்துக்குடி மாவட்டம் திருச்செந்தூரை அடுத்த குலசேகரன்பட்டினம் முத்தாரம்மன் கோவிலில் தசரா திருவிழா வெகு சிறப்பாக நடைபெறும்.

9 நாட்கள் நடந்து முடியும் நவராத்திரி விழாவின் மறுநாள், விஜயதசமி அன்று தசரா திருவிழா கொண்டாடப்படுகிறது. குலசேகரன்பட்டினத்தில் ஞானமூர்த்தீசுவரர் சமேதராக அன்னை முத்தாரம்மன் பக்தர்களுக்கு அருள் பாலித்து வருகிறார். தசரா விழாவில் லட்சக்கணக்கான பக்தர்கள் கலந்து கொண்டு தரிசனம் செய்வார்கள்.

கொடுமைகள் பல செய்த மகிஷாசூரனை சம்ஹாரம் செய்து, மகிஷாசூரமர்த்தினி என்ற பெயருக்கு அன்னை முத்தாரம்மன் உரித்தாகிய நிகழ்வு தான் இங்கு தசரா திருவிழாவாக கொண்டாடப்பட்டு வருகிறது. இதன் மூலம் உலகில் ஆணவம், அகம்பாவம் போன்ற தீயகுணங்களுக்கு என்றும் அழிவு வரும் என்பதை மக்களுக்கு முத்தாரம்மன் மெய்ப்பித்து காட்டுகிறார் என்பது ஐதீகம்.

இந்த ஆண்டுக்கான தசரா திருவிழா கடந்த 15-ந் தேதி கொடியேற்றத்துடன் தொடங்கியது.

விழாவின் சிகர நிகழ்ச்சியான சூரசம்ஹாரம் நேற்று நள்ளிரவில் லட்சக்கணக்கான பக்தர்கள் வெள்ளத்தில் கடற்கரையில் நடைபெற்றது. இரவு 11 மணிக்கு அன்னையின் சூரசம்ஹார சூலாயுதத்துக்கு சிறப்பு பூஜைகள் நடைபெற்றன. பின்னர் நீண்ட ஜடா முடி, கையில் சூலாயுதம், வாள் ஏந்தி ஆங்கார கோபத்துடன், தீயசக்திகளை அழிப்பதற்காக அன்னை முத்தாரம்மன் சிம்ம வாகனத்தில் எழுந்தருளினார்.

அப்போது கோவில் கடற்கரையில் மாலை அணிந்து விரதம் இருந்த பக்தர்கள் உள்பட லட்சக்கணக்கான பக்தர்கள் திரண்டு இருந்தனர். காளி வேடம் அணிந்து இருந்த பக்தர்கள் புடைசூழ கடற்கரை நோக்கி அன்னை சிம்ம வாகனத்தில் புறப்பட்டார்.

கடற்கரையில் பக்தர்கள் வெள்ளத்தில் அம்மன் வீற்றிருந்தார். முதலில் மகிஷன் அம்மனை சுற்றி, சுற்றி வந்து கொக்கரித்தான், அடுத்ததாக சிம்மத் தலையுடன் வந்தான். அதன் பின்னர் மகிஷாசூரன் தலையுடன் வந்த சூரன் சற்று நேரத்தில், சம்ஹாரம் செய்யப்பட்டான். அன்னையின் சூலாயுதத்துக்கு சூரன் அழிந்தான். அப்போது அங்கு கூடி இருந்த பக்தர்கள் "ஓம் காளி'', "ஜெய் காளி'' என்று பக்தி பரவசத்துடன் கோஷங்கள் எழுப்பினர். பக்தி கோஷம் விண்ணை தொட்டது.

விழாவில், தமிழக சுற்றுச்சூழல் துறை அமைச்சர் எம்.சி.சம்பத் குடும்பத்துடன் வந்து சாமி தரிசனம் செய்தார்.

தசரா திருவிழாவின் முக்கிய அம்சமாக மாலை அணிந்து விரதம் கடைப்பிடித்து வேடம் அணிவதாகும். சிவன், விஷ்ணு, பிரம்மா, காளி, கருங்காளி, மீனாட்சி, முத்தாரம்மன், முருகன், விநாயகர், ராமர், லட்சுமணன், அனுமன், கிருஷ்ணர், சிங்கம், புலி, கரடி, முனிவர், முதியவர், மூதாட்டி, டாக்டர், நர்சு, போலீஸ்காரர், பிச்சைக்காரன், குறவன்-குறத்தி, மணப்பெண், மணமகன் என பல்வேறு வேடங்கள் அணிந்த தசரா குழுவினர் பேண்டு வாத்தியம் முழங்க தெருக்களில் குதூகலமாக ஆடிப்பாடி வந்தனர். தசரா குழுவினர் சார்பில் ஆங்காங்கே கலை நிகழ்ச்சிகள் நடத்தப்பட்டன. விடிய, விடிய பக்தர்கள் கூட்டம் அலை மோதியது.

குலசேகரன்பட்டினத்தில் தசரா திருவிழா,Kulasekarapattinam dasara குலசேகரன்பட்டினத்தில் தசரா திருவிழா,Kulasekarapattinam dasara குலசேகரன்பட்டினத்தில் தசரா திருவிழா,Kulasekarapattinam dasara
Potato Capsicum Green Peas Curry சென்னை காரக்குழம்பு Kathirikai varuval
 மதுரையில் மீனாட்சி திருக்கல்யாணம் கோலாகலம்
மதுரை சித்திரை திருவிழாவில் வேதமந்திரங்கள் முழங்க மீனாட்சி அம்மன் திருக்கல்யாணம் நேற்று கோலாகலமாக நடந்தது. இன்று காலை நான்கு மாசிவீதிகளில் தோரோட்டம் நடைபெறுகிறது.மதுரை மீனாட்சி அம்மன் கோயிலில் சித்திரைத் திருவிழா ஏப்.14ம் தேதி கொடியேற்றத்துடன் துவங்கியது. நேற்று  முக்கிய நிகழ்ச்சியான திருக்கல்யாணத்திற்காக

மேலும்...

 26ம் தேதி தேரோட்டம் பங்குனி உத்திர திருவிழா பழநியில் கொடியேற்றம்
பழநி தண்டாயுதபாணி கோயில் பங்குனி உத்திர திருவிழா நேற்று காலை கொடியேற்றத்துடன் தொடங்கியது. 26ம் தேதி தேரோட்டம் நடைபெறுகிறது.பழநி தண்டாயுதபாணி சுவாமி கோயில் பங்குனி உத்திரத் திருவிழாவையொட்டி நேற்று காலை 11.20 மணிக்கு மேல் 12 மணிக்குள் மிதுன லக்கினத்தில் திருஆவினன்குடி

மேலும்...

 திருவனந்தபுரம் பகவதி அம்மன் கோவிலில் 40 லட்சம் பெண்கள் பொங்கலிட்டனர்
திருவனந்தபுரம் ஆற்றுகால் பகவதியம்மன் கோயிலில் நடந்த பொங்கல் விழாவில் 40 லட்சம் பெண்கள் பொங்கலிட்டனர்.திருவனந்தபுரம் ஆற்றுகால் பகவதியம்மன் கோயில் கேரளாவில் பிரசித்தி பெற்ற கோயில்களில் ஒன்றாகும். இக்கோயிலில் வருடந்தோறும் மாசி மாதத்தில் 10 நாட்கள் பொங்கல் திருவிழா நடைபெறும்.திருவிழாவின் 9ம் நாளன்று

மேலும்...

 திருச்செந்தூர் சுப்பிரமணிய சுவாமி கோவில் மாசி திருவிழா இன்று கொடி ஏற்றத்துடன் தொடங்கியது
திருச்செந்தூர் சுப்பிரமணிய சுவாமி கோவில் மாசி திருவிழா, இன்று (16–ந்தேதி - சனிக்கிழமை) கொடி ஏற்றத்துடன் தொடங்குகிறது. முருக பெருமானின் அறுபடை வீடுகளில் 2–ம் படை வீடான திருச்செந்தூர் சுப்பிரமணிய சுவாமி கோவிலில் ஆண்டுதோறும் பல்வேறு திருவிழாக்கள் நடைபெறுகிறது. அதில் மாசி திருவிழா

மேலும்...

 
பிற செய்திகள்

மேலும்...

Comments
Reply Message

Post Your Comments
Name*
Email ID *
* தமிழ் எழுத்துக்கள் இந்தப்பெட்டியில் தோன்றும் (உம்) அம்மா

Match any where Exact Match


















மகளிர்

























Home News Cinema Gallery Privacy Policy Contact us Free Ads
சற்று முன் தமிழகம் இந்தியா உலகம் வர்த்தகம் விளையாட்டு சினிமா
Copyright © 2010 Indianinfotech.in