ஓணப்பண்டிகையை முன்னிட்டு சபரிமலை ஐயப்பன் கோவில் நடை இன்று திறப்பு

ஓணப்பண்டிகையை முன்னிட்டு சபரிமலை ஐயப்பன் கோவில் நடை இன்று திறப்பு
கேரளாவில் வருகிற 29-ந் தேதி கொண்டாடப்படும் ஓணப்பண்டிகையை முன்னிட்டு, சபரிமலை ஐயப்பசாமி கோவில் திருநடை இன்று மாலை 5.30 மணிக்கு திறக்கப்படுகிறது. தந்திரி கண்டரரு ராஜீவரரு முன்னிலையில், மேல்சாந்தி பாலமுரளி நம்பூதிரி நடையை திறந்து வைத்து குத்துவிளக்கு ஏற்றுகிறார். அதைத்தொடர்ந்து சாமிக்கு தீபாராதனை நடைபெறும். நடை திறப்பதையட்டி இன்று சிறப்பு பூஜைகள் எதுவும் நடைபெறாது. கோவில் கருவறை மற்றும் சுற்றுப்புறங்களை சுத்தம் செய்யும் பணிகள் நடைபெறும்.
 
நாளை முதல் தினமும் அதிகாலை 5 மணிக்கு நடை திறக்கப்பட்டு, நிர்மால்ய தரிசனம், கணபதி ஹோமம், நெய்அபிஷேகம், உஷபூஜை, உச்சபூஜை, தீபாராதனை, புஷ்பாபிஷேகம், அத்தாழபூஜை உள்பட பல்வேறு பூஜை மற்றும் வழிபாடுகள் நடக்கிறது. களபாபிஷேகம், கலசாபிஷேகம், உதயாஸ்தமன பூஜை, படிபூஜை உள்ளிட்ட சிறப்பு பூஜைகளும், பக்தர்களுக்கு ஓண விருந்து வழங்கும் நிகழ்ச்சியும் நடக்கிறது. இதற்காக, உப்பேரி, ஊறுகாய்கள், பலவகை பாயசங்கள் உள்பட 20 வகை உணவுகளுடன் ஓண விருந்து தயாரிக்கப்படுகிறது.
 
நாளை பகல் 11.30 மணிக்கு உச்ச பூஜையை தொடர்ந்து சபரிகிரீசனின் படம் வைத்து அதன்முன் குத்துவிளக்கு ஏற்றி, தந்திரி மற்றும் மேல்சாந்தி ஆகியோர் இணைந்து முதலில் சாமிக்கு ஓணவிருந்து படைப்பார்கள். அதைத் தொடர்ந்து பக்தர்களுக்கு அறுசுவை ஓண விருந்து வழங்கப்படும். திருவோண தினமான 29-ந் தேதி ஓண விருந்து வழங்கப்படுகிறது. அன்றைய தினம் 3 ஆயிரத்து 500 பேருக்கான அறுசுவை உணவு தயாரிக்கப்பட உள்ளது. காலை 9 மணிக்கு தந்திரி மற்றும் மேல்சாந்தி ஆகியோர் பூஜை செய்து திருவோண விருந்தை தொடங்கி வைக்கிறார்கள். இந்த விருந்தில் அனைவரும் பங்கேற்கும் வகையில் நடைப்பந்தலில் உணவு பரிமாறப்படுகிறது.
 
தொடர்ந்து, 30 மற்றும் 31-ந் தேதியும் பக்தர்களின் வழிபாடாக ஓண விருந்து வழங்கப்படுகிறது. 31-ந் தேதி அத்தாழபூஜைக்கு பின்னர், இரவு 10 மணிக்கு அரிவராசனம் பாடல் இசைக்கப்பட்டு கோவில் நடை அடைக்கப்படும். பின்னர், புரட்டாசி மாத பூஜைகளுக்காக அடுத்த மாதம் (செப்டம்பர்) 16-ந் தேதி மாலை கோவில் நடை திறக்கப்படுகிறது.
https://goo.gl/LHzM8w






28 Oct 2014

இன்று திருச்செந்தூர் முருகன் கோயிலில் சூரசம்ஹாரம் விழா குவியும் பக்தர்கள்

21 Sep 2014

மகாளய அமாவாசை -பாவ வினைகள் போக்கும் புண்ணிய வழிபாடு

21 Jul 2014

அற்புத பலன் தரும் ஆடி அமாவாசை

24 Sep 2013

மகிமை நிறைந்த மகாளய அமாவாசை

08 Jun 2013

திருமலையில் மூன்று நாட்களில் 2.5 லட்சம் பக்தர்கள் குவிந்தனர்

23 Apr 2013

மதுரையில் மீனாட்சி திருக்கல்யாணம் கோலாகலம்

17 Apr 2013

ஆன்மீக செய்திகள்

11 Apr 2013

சந்திர கிரகணத்தை முன்னிட்டு ஏழுமலையான் கோயில் நடை 10 மணி நேரம் அடைக்கப்படும்

07 Apr 2013

அகஸ்தீஸ்வரர் கோவிலில் லிங்கம் மீது சூரியஒளி விழும் அதிசயம்

25 Mar 2013

திருவண்ணாமலையில் கிரிவலம் செல்ல உகந்த நேரம் எப்போது? கோவில் நிர்வாகம் அறிவிப்பு