ஏழுமலையான் கோயிலில் 3 நாள் பவித்ரோற்சவம் தொடக்கம்

ஏழுமலையான் கோயிலில் 3 நாள் பவித்ரோற்சவம் தொடக்கம்
திருமலை திருப்பதி ஏழுமலையான் கோயிலில் பவித்ரோற்சவத்தையொட்டி ஸ்ரீதேவி பூதேவி சமேத மலையப்ப சுவாமிக்கு மஞ்சள், குங்குமம் மற்றும் மூலிகை திரவியங்களின் மூலம் சுவாமிக்கு சிறப்பு அபிஷேகம் நடைபெற்றது. கடந்த ஓராண்டாக செய்து வரும் பூஜை வழிபாட்டில் தெரிந்தோ, தெரியாமலோ செய்த தவறுகளுக்கு பரிகாரம் செய்யும் வகையில் இந்த பூஜை செய்யப்பட்டது.

தொடர்ந்து 3 நாட்கள் நடைபெறும் இந்த பவித்ரோற்சவத்தையொட்டி, வழக்கமாக நடைபெறும் கட்டண சேவைகளான கல்யாண உற்சவம், ஆர்ஜித பிரம்மோற்சவம், வசந்த உற்சவம், சகஸ்கர தீப அலங்கார சேவை ரத்து செய்யப்பட்டுள்ளது. இதற்கிடையே, நேற்று அரசு விடுமுறை என்பதால் திருமலையில் பக்தர்கள் கூட்டம் அதிகரித்தது. இலவச தரிசனமான சர்வ தரிசனத்தில் சுவாமியை தரிசிக்க காத்திருக்கும் வைகுண்டம் கியூ காம்ப்ளக்ஸ் 31 அறைகளும் நிரம்பியது.

இந்த தரிசனத்தில் 20 மணி நேரம் காத்திருந்து பக்தர்கள் தரிசனம் செய்தனர். பக்தர்களுக்கு மேலும் தாமதம் ஏற்படக் கூடாது என்பதற்காக, 300 சிறப்பு நுழைவு தரிசன டிக்கெட் மாலை 5 மணியுடன் நிறுத்தப்பட்டது. நேற்று அதிகாலை 3 மணிமுதல் மாலை 6 மணி வரை 50,455 பக்தர்கள் சுவாமி தரிசனம் செய்தனர்.

மாற்றுத்திறனாளிகள் தரிசன நேரத்தில் மாற்றம்

ஏழுமலையான் கோயிலில் முதியோர் மற்றும் மாற்றுத் திறனாளிகள் தரிசனம் செய்வதற்கு, இதுவரை மகாதுவாரம் வழியாக தினந்தோறும் 4 முறை அனுமதிக்கப்பட்டு வந்தனர். தற்போது கூட்டம் அதிகரித்து வருவதால், இது 3 முறையாக மாற்றப்பட்டுள்ளது. அதன்படி, ஆகஸ்ட் 1ம் தேதி முதல் காலை 10 மணி, மதியம் 3 மணி, இரவு 10 மணி ஆகிய நேரங்களில் மட்டும் முதியோர், மாற்றுத்திறனாளிகள் அனுமதிக்கப்படுவார்கள் என்றும், பக்தர்கள் குறிப்பிட்ட நேரத்திற்கு அரை மணி நேரம் முன்பாக வந்து உரிய அடையாள அட்டை மற்றும் மருத்துவ சான்றுகளை காட்ட வேண்டும் என்றும் தேவஸ்தான நிர்வாகம் தெரிவித்துள்ளது.
https://goo.gl/UNBHrY






28 Oct 2014

இன்று திருச்செந்தூர் முருகன் கோயிலில் சூரசம்ஹாரம் விழா குவியும் பக்தர்கள்

21 Sep 2014

மகாளய அமாவாசை -பாவ வினைகள் போக்கும் புண்ணிய வழிபாடு

21 Jul 2014

அற்புத பலன் தரும் ஆடி அமாவாசை

24 Sep 2013

மகிமை நிறைந்த மகாளய அமாவாசை

08 Jun 2013

திருமலையில் மூன்று நாட்களில் 2.5 லட்சம் பக்தர்கள் குவிந்தனர்

23 Apr 2013

மதுரையில் மீனாட்சி திருக்கல்யாணம் கோலாகலம்

17 Apr 2013

ஆன்மீக செய்திகள்

11 Apr 2013

சந்திர கிரகணத்தை முன்னிட்டு ஏழுமலையான் கோயில் நடை 10 மணி நேரம் அடைக்கப்படும்

07 Apr 2013

அகஸ்தீஸ்வரர் கோவிலில் லிங்கம் மீது சூரியஒளி விழும் அதிசயம்

25 Mar 2013

திருவண்ணாமலையில் கிரிவலம் செல்ல உகந்த நேரம் எப்போது? கோவில் நிர்வாகம் அறிவிப்பு