எதற்கு எடுத்தாலும் போராட்டம், போராட்டம் என்று போய்விட்டால் தமிழ்நாடு சுடுகாடாகிவிடும்: ரஜினி ஆவேசம்

எதற்கு எடுத்தாலும் போராட்டம், போராட்டம் என்று போய்விட்டால் தமிழ்நாடு சுடுகாடாகிவிடும்: ரஜினி ஆவேசம்
மக்கள் எதற்கு எடுத்தாலும் போராட்டம், போராட்டம் என்று போய்விட்டால் தமிழ்நாடு சுடுகாடாகிவிடும் என நடிகர் ரஜினிகாந்த ஆவேசமாக  தெரிவித்துள்ளார்.


தூத்துக்குடி துப்பாக்கிச்சூடு சம்பவம் காரணமாக மொத்தம் 13 பேர் மரணம் அடைந்தனர். மேலும் 30க்கும் அதிகமானோர் தூத்துக்குடி அரசு  மருத்துவமனையில் சிகிச்சை பெற்றுவருகிறார்கள்.

இதனையடுத்து தூத்துக்குடி துப்பாக்கிச்சூட்டில் காயம் அடைந்தவர்களை இன்று காலை நேரில் சந்தித்து நடிகர்  ரஜினி ஆறுதல் கூறினார்.


மேலும் தூத்துக்குடி துப்பாக்கி சூட்டில் உயிரிழந்தவர்களின் குடும்பத்திற்கு தலா ரூ.2 லட்சமும், மேலும் காயமடைந்தவர்களுக்கு ரூ.10  ஆயிரம் நிவாரணம் வழங்கியுள்ளார். இதனையடுத்து ரஜினி சென்னை திரும்பினார்.

சென்னை விமான நிலையத்தில் பேட்டியளித்த ரஜினி தூத்துக்குடி போராட்டத்தில் சமூக விரோதிகள் புகுந்ததில்தான் போராட்டம் வன்முறையாக மாறியது. 


ஜல்லிக்கட்டு போராட்டத்தில் சமூக விரோதிகள் புகுந்த மாதிரி தூத்துக்குடி போராட்டத்திலும் புகுந்துவிட்டனர் என்று கூறினார்.



மேலும் தூத்துக்குடியில்  போராட்டம் நடத்தியது எல்லாம் அப்பாவி மக்கள் மற்றும் மீனவ மக்கள், ஆனால் சமூக விரோதிகள்தான் போராட்டத்தில் ஈடுபட்டு காவல்துறையினரை  அடித்தனர், மாவட்ட ஆட்சியர் அலுவலகத்தில் கலவரத்தை ஏற்படுத்தினர், குடியிருப்புகளை எரித்ததும் அவர்கள்தான் என்று தெரிவித்தார்.

சமூக விரோதிகள் தான் போராட்டத்தில் புகுந்தனர் என்பது உங்களுக்கு எப்படி தெரியும் என்ற செய்தியாளர் கேள்விக்கு பதிலளித்த ரஜினி அது எப்படி தெரியும் என்றால் எனக்கு தெரியும் அவ்வளவுதான் என ஆவேசமாக கூறினார்.

மேலும் இந்த பிரச்சனையின் ஆரம்பமே அந்த சமூக விரோதிகள் காவல்துறையினரை அடித்தனர், அப்போது இருந்துதான் பிரச்சனை ஆரம்பம் ஆகியது என்று  கூறினார்.

காவல்துறையினர் தங்கள் உடையில் இருந்து எப்போது அடித்தாலும் நான் ஏற்றுக்கொள்ளமாட்டேன் என ஆவேசமாக கூறினார். மக்கள் எதற்கு எடுத்தாலும் போராட்டம், போராட்டம் என போய்விட்டால் தமிழ்நாடு சுடுகாடாகிவிடும் என்று கூறி சென்றார்.
https://goo.gl/udPPeF






17 Mar 2019

2019 மக்களவைத் தேர்தல்: மத்திய சென்னையில் தயாநிதி மாறன்; தூத்துக்குடியில் கனிமொழி போட்டி- திமுக வேட்பாளர் பட்டியல் அறிவிப்பு

06 Mar 2019

தேமுதிகவுக்கு கைவிரித்த திமுக: இடமில்லை என துரைமுருகன் பேட்டி

06 Mar 2019

சென்னை சென்ட்ரல் ரயில்நிலையத்துக்கு எம்ஜிஆர் பெயர்: பிரதமர் மோடி அறிவிப்பு

19 Feb 2019

குடும்ப பிரச்சினை காரணமாக இரு மகன்களை கொன்று தாய் தற்கொலை

19 Feb 2019

அ.தி.மு.க.வுடன் கூட்டணி உடன்பாடுபா.ம.க.வுக்கு 7; பா.ஜனதாவுக்கு 5 தொகுதிகள்தே.மு.தி.க.வுடன் இழுபறி

06 Feb 2019

குப்பைமேட்டில் கிடைத்த பெண்ணின் கை, கால்கள் அடையாளம் தெரிந்தது: திரைப்பட இயக்குநரான கணவர் கைது

03 Jan 2019

கருணாநிதியின் அழகு தமிழுக்கு மயங்காதவர் யாரும் இல்லை; சட்டப்பேரவையில் இரங்கல் தீர்மானம் வாசிப்பு

02 Jan 2019

கூலிப்படை உதவியுடன் மகனை கொன்ற கள்ளக்காதலனை தீர்த்து கட்டிய பெண்

30 Dec 2018

சென்னையில் 15 ஆண்டுகளுக்குப்பின் மழையளவு 55 சதவீதம் குறைவு: கடும் குடிநீர் தட்டுப்பாடு அபாயம்

30 Dec 2018

அரசு நிர்வாகம் முற்றிலும் நிலை குலைந்துள்ளதற்கு எச்.ஐ.வி. ரத்த விவகாரமே சாட்சி - ஸ்டாலின்