tamilkurinji logo


 

ஆசை முகம் - ”கவியன்பன்” கலாம்,Tamil kavithai

Tamil,kavithai




ஆசை முகம் - ”கவியன்பன்” கலாம்

First Published : Monday , 18th February 2013 07:18:53 AM
Last Updated : Monday , 18th February 2013 07:18:53 AM




ஆசை முகம் - ”கவியன்பன்” கலாம்,Tamil kavithai

ஈற்றெதுகை இணைபோல்

இன்சுவை ஈரிதழ்கள்

போற்றுகின்ற மடிப்பும்

புதுக்கவிதை போலிங்கு

ஏற்றமுடன் இருக்கும்

இடுப்பழகில் காணும்நான்

தோற்றுவிட்டேன் காதலியே

தொடவுமில்லை ஆசைமுகம்!

நேர்நேர் நிரைநிரை அசையாக

நேர்காண் பார்வையில் அசையாது

நேர்கொண்டு ஈர்க்கும் ஆசைமுகம்

நேர்கொண்டு முடிய நேர்கொண்ட

சீர்காணும் வெண்டளை விரவினால்

பேர்கொண்டு சொல்வர் வெண்பாவாய்

நேர்வகிடு எடுத்தப் பின்னலினால்தான்

சீர்கொண்டு அழைப்பர்ப் பெண்பாலாய்!

..

அசைசீர் யாப்புக்கு அழகாம் தொடை

அசையும் இடுப்புக்கு அழகாம் நடை

கண்ணதாசனின் கவிதைபோல் செப்பலோசை

உன்னழகுப் பாதங்களின் "சப்பல்" ஓசை

வைரமுத்துவின் வைரவரிகளைப் போலவே

வைரம் முத்துக்களாய் வசீகரிக்கும் கால்கள்

கைப்பேசியைக் காதினுள் வைத்து

கைக்குள் அடக்கமாகப் பேசிடும் நளினம்

ஹைக்கூ கவிதையும் மிஞ்சிடும் மெல்லினம்...

வள்ளுவன் வடித்த மூன்றம்பாலாய்

அள்ளித் தெளித்திட்ட இளைமையிலே

முனிவரும் மயங்குவர் இளமயிலே.....!!!

இனியான் எங்குக் காண்பேன் உன் ஆசைமுகம்!

இல்பொருள் உவமை அணியாய்:

"ராத்திரியில் பூத்திருக்கும் தாமரையே..!!!"

இரவின் நிலாவான என் ஆசை முகமே

பிரிவின் துயரைப் புரியாதோ உன்னகமே?

 

காசு நாள் மலர் பிறப்பு என்று ஈற்றில்

முடிந்தால் வெண்பாவாம்

சிறுமி கன்னி தாய்மை முதுமை என்று

முடிவதும் பெண்பாலே

 

"உடலினை மட்டும் பாடினீர்

உள்ளத்தினை ஏன் பாடவில்லை?" என்று

மடலினை யாரும் போட வேண்டா.

மறுமொழி இதோ படியுங்கள்:

உடலினைக் காட்டி எந்தன்

உறக்கத்தைக் கெடுத்த இப்பெண் தான்

உள்ளத்தினைப் பூட்டி வைத்து விட்டால்

உள்ளத்தினுள் உள்ளதை நான் எப்படி

உள்ளேசென்று பார்பேன்; படிப்பேன்?

ஈறு கெட்ட எதிர்மறையாய் அங்கே

இருந்து விட்டால்................!!

தமிழைப் பெண்ணாய்க் கண்டேன்;

பெண்ணைத் தமிழாய்க் கண்டேன்;

கவிதையைப் பெண்ணாய்க் கண்டேன்;

பெண்ணைக் கவிதையாய்க் கண்டேன்;

இரண்டிலும் இன்பம் உண்டென்று கண்டேன்;

இரண்டினையும் இணைத்தால் இன்னும்

இரண்டு மடங்காகும் இன்பம் என்றே கண்டேன்...

இல்லறப் புத்தகத்தில் இன்பத்துப்பால் ஒரு பகுதி;

கவிதைப் புத்தகத்திலும் இன்பத்துப்பா இருக்கட்டுமே.



    Tags :    
ஆசை முகம் - ”கவியன்பன்” கலாம்,Tamil kavithai ஆசை முகம் - ”கவியன்பன்” கலாம்,Tamil kavithai ஆசை முகம் - ”கவியன்பன்” கலாம்,Tamil kavithai
Potato Capsicum Green Peas Curry சென்னை காரக்குழம்பு Kathirikai varuval
 அம்மா அபி கவிதை
நான் கருவாய் இருந்த போது தொட்டு தொட்டு ரசித்தவளே!உன் அழகிய முகத்தை பார்க்க என்னை பத்து மாதம் காத்திருக்க வைத்தவளே!நான் உனக்குள் இருந்த அந்த ஒவ்வொரு நொடியும் உன்னை காண தவம் கிடந்தேனே!என்னை சிறிது சிறிதாய் கற்பனையில் செதுக்கியவளே!முதன் முதலில் இவ்வுலகில்

மேலும்...

 இயற்கை
அந்த சொல் கேட்ட அந்த நொடி !நினைவு வரும் அந்த காட்சி !மனதில் உதிக்கும் ஒர் புத்துணர்ச்சி !தூய்மையான சுவாசக் காற்று !மனதிற்கு நிம்மதி தரும் ஒர் உணர்வு.!அத்துடன் பழகிக் பாருங்கள்!உங்களையே உங்களுக்கு பிடிக்கும். S. ABARAJITHAAIX ‘A’DON BOSCO  MATRIC.

மேலும்...

 நட்பு
நட்பு என்பது ஒரு கடல்!அதில் முழ்கினால் எழுவது மிக கடினம்!எழுவதற்கான தகுதிகள் சிலருக்கே உண்டு!நட்பு இணைப்பிரியா தொல்லை!அதில் சின்ன சின்ன சண்டைகளும் சிறு சிறு தொல்லைகளும் உண்டு!இந்த சண்டைகளும், தொல்லைகளும் இல்லையெனில் நட்பில் பயனில்லை!இதை நாங்கள் உணர்ந்து விட்டோம் நீங்கள் உணர

மேலும்...

 வானம்:
எல்லை இல்லா ஒர் அதிசயம் வானம்அதற்க  ஈடு  இணை இல்லை .ரசிக்க முடியாத அழகு அது நம் வாழ்வின் அர்த்ததை உணர்த்தும் அழகு வானம்வாழ்வுக்கு முடிவு உண்டு ஆனால் முயற்சிகளுக்கு முடிவில்லை.இவ்வுலகத்தை பாதுகாக்கும் மிகப்பெரிய போர்வை இப்பூமியில் இதுவரை அதற்கு ஈடு

மேலும்...

 
பிற செய்திகள்

மேலும்...

Comments
Reply Message

Post Your Comments
Name*
Email ID *
* தமிழ் எழுத்துக்கள் இந்தப்பெட்டியில் தோன்றும் (உம்) அம்மா

Match any where Exact Match


















மகளிர்

























Home News Cinema Gallery Privacy Policy Contact us Free Ads
சற்று முன் தமிழகம் இந்தியா உலகம் வர்த்தகம் விளையாட்டு சினிமா
Copyright © 2010 Indianinfotech.in